امریکی سینیٹ نے یوکرین کے لیے 13 ارب 60 کروڑ ڈالر کی امداد کی منظوری دیدی

یوکرینی فوج کے حملے میں فوجی ٹینک تباہ ہونے سے روسی فوج کا کرنل ہلاک ہوگیا

ویب ڈیسک March 11, 2022

یوکرین کی فوج نے روسی ٹینک تباہ کردیا جس میں ایک کرنل ہلاک ہوگیا، فوٹو: رائٹرز

QUETTA: ترکی میں روس اور یوکرین کے وزرائے خارجہ کے درمیان امن مذاکرات کے باوجود روس کی یوکرین پر بمباری جاری ہے جب کہ امریکی سینیٹ نے یوکرین کے لیے 13 ارب 60 کروڑ ڈالر کی امداد کی منظوری دیدی۔

عالمی خبر رساں ادارے کے مطابق ترکی کی میزبانی میں انطالیہ میں روس اور یوکرین کے وزرائے خارجہ کے درمیان امن مذاکرات کا پہلا دور ہوا تاہم یہ ملاقات کسی نتیجے میں پہنچے بغیر اختتام پذیر ہوگی۔

فریقین نے ملاقات کو حوصلہ افزا کہا اور مستقبل میں بھی بات چیت جاری رکھنے پر اتفاق کیا ہے تاہم اس دوران یوکرین پر روسی بمباری نہ تھمی۔ بچوں کے اسپتال، ایمبولینس اور دواؤں کی ترسیل پر مامور گاڑیوں کو بھی نشانہ بنایا گیا۔

First footage of Foreign Ministers of Russia, Ukraine and Turkey talks in Antalya

Follow us on Telegram https://t.co/IYK3TLVW3a pic.twitter.com/FaXRKGJT9U
— RT (@RT_com) March 10, 2022

اسی طرح روسی فوجیوں نے کیف میں ایئرپورٹ کے نزدیکی علاقوں پر بھی بمباری کی۔ یوکرین کے فوجیوں نے جوابی کارروائی میں روس کے جنگی ٹینک کو تباہ کردیا جس میں روسی کرنل ہلاک ہوگئے۔

دوسری جانب امریکی سینیٹ نے حکومت کو یوکرین کے لیے 13 ارب 60 کروڑ ڈالر کی امداد کی منظوری دیدی جس کے حق میں 68 ارکان نے ووٹ دیا جب کہ مخالفت میں 31 ووٹ پڑے۔ اس بل پر ممکنہ طور پر امریکی صدر جوبائیڈن آج شب ہی دستخط کردیں گے۔