چیئرمین بورڈ کی قومی کرکٹرز سے ملاقات ایشیا کپ میں جان لڑانے کی تلقین

آئی سی سی میں بگ تھری کے حوالے سے صورتحال میں پاکستان ٹیم کی عمدہ پرفارمنس خاص اہمیت اختیار کر گئی، نجم سیٹھی فوٹو: فائل

---

ایشیا کپ کیلیے روانگی سے قبل قومی ٹیم سے پاکستان کرکٹ بورڈ کے چیئرمین نجم سیٹھی نے ملاقات کی، انھوں نے پلیئرز کو ایونٹ مں جان لڑانے کی تلقین کرتے ہوئے ان کی حوصلہ افزائی کی۔

نیشنل کرکٹ اکیڈمی میں آمد کے بعد کرکٹرز سے بات چیت کرتے ہوئے چیئرمین نے کہا کہ آئی سی سی میں بگ تھری کے حوالے سے صورتحال میں پاکستان ٹیم کی عمدہ پرفارمنس خاص اہمیت اختیار کر گئی، امید ہے کہ کھلاڑی جوش اور جذبے کے ساتھ میدان میں اترتے ہوئے اعزاز کا دفاع کرنے میں کامیاب ہوںگے۔