عاطف اسلم کی مداحوں سے ان کے والد کیلئے دعا کرنے کی درخواست

عاطف اسلم کے والد کو چند روز قبل دل کا دورہ پڑا تھا

ویب ڈیسک March 13, 2022

اپنے والد کے صحت یاب ہونے کے بعد آپ تمام لوگوں سے ملاقات کا منصوبہ بنارہا ہوں ، عاطف اسلم فوٹوفائل

گلوکار عاطف اسلم نے مداحوں سے ان کے والد کی جلد صحت یابی کے لیے دعا کرنے کی درخواست کی ہے۔

عاطف اسلم نے گزشتہ رور انسٹاگرام اسٹوری پر بتایا کہ کچھ روز قبل ان کے والد کو دل کا دورہ پڑا تھا۔ عاطف اسلم نے یہ تکلیف دہ خبر مداحوں کے ساتھ شیئر کرتے ہوئے بتایا پچھلے کچھ روز کافی مشکل تھے۔ لیکن آپ سب کی محبت اور تعاون سے میرے والد دل کے دورے سے صحت یاب ہورہے ہیں۔

عاطف اسلم نے کہا میں آج آن لائن نہیں آسکوں گا تاہم میں اپنے والد کے صحت یاب ہونے کے بعد آپ تمام لوگوں سے ملاقات کا منصوبہ بنارہا ہوں۔ عاطف اسلم نے تمام مداحوں کا انہیں ویڈیوز، گانے اور خوبصورت ایڈیٹس بھیجنے کے لیے بھی شکریہ ادا کیا اور کہا جب میرے والد صحت یاب ہوجائیں گے تو میں آپ کے تمام پیغامات پڑھوں گا۔

پوسٹ کے آخر میں عاطف اسلم نے تمام مداحوں سے درخواست کی کہ انہیں اور ان کے والد کو اپنی دعاؤں میں یاد رکھیں کیونکہ آپ سب کے بغیر میں کچھ نہیں۔