یوکرین میں روسی فوج کی فائرنگ سے امریکی صحافی ہلاک دوسرا زخمی

51 سالہ صحافی پناہ گزین کیمپ پر ٹیلی فلم ریکارڈ کر کے واپس آ رہے تھے

ویب ڈیسک March 13, 2022

برینٹ نیویارک ٹائمز سے منسلک تھے، فوٹو: فائل

یوکرین کے دارالحکومت کے نزدیک روسی افواج کی فائرنگ میں نیویارک ٹائمز کا ایک صحافی ہلاک ہوگیا جب کہ دوسرا شدید زخمی ہے۔

عالمی خبر رساں ادارے کے مطابق یوکرین کے دارالحکومت کیف سے متصل شہر ایرپن میں پناہ گزین کیمپ کی کوریج کے بعد واپس آنے والے دو امریکی صحافیوں پر فائرنگ کی گئی ہے۔

فائرنگ سے 51 سالہ صحافی برینٹ ریناؤڈ موقع پر ہی ہلاک ہوگئے جب کہ ان کے ساتھی کو شدید زخمی حالت میں اسپتال منتقل کیا گیا ہے جہاں ان کی حالت تشویشناک بتائی جا رہی ہے۔

کیف پولیس کے چیف نے میڈیا کو بتایا کہ دونوں صحافیوں کو ایرپن میں روسی فوج نے ایک چیک پوسٹ پر گولیوں کا نشانہ بنایا جب صحافی پناہ گزین کیمپ پر ٹیلی فلم کی ریکارڈنگ کرکے واپس آرہے تھے۔

Two American journalists went to film refugees leaving Irpin when they were shot at after crossing a checkpoint. The NYT journalist (I will not tweet the name) was shot in the neck and killed. His colleague was shot as well but evacuated to hospital.
— Anna Ahronheim (@AAhronheim) March 13, 2022

نیویارک ٹائمز کے مطابق مقتول صحافی کئی برسوں سے ان کے ساتھ منسلک تھے اور یوکرین میں خصوصی اسائنمنٹ پر تھے۔ روسی فوج نے تاحال امریکی صحافی کے قتل پر کوئی ردعمل نہیں دیا۔