کراچی میں رینجرز اور پولیس کے ٹارگٹڈ آپریشن گینگ وار کے 4 ملزمان سمیت 14 افراد گرفتار

ریکسر لین سے حراست میں لئے گئے ملزمان سے 28 اقسام کا اسلحہ برآمد ہوا ہے۔ فوٹو: فائل

---

رینجرز اور پولیس نے مختلف علاقوں میں جرائم پیشہ افراد کے خلاف ٹارگٹڈ آپریشن کے دوران 14 افراد کو حراست میں لے لیا ہے۔

ایکسپریس نیوز کے مطابق جرائم پیشہ افراد کی موجودگی کی اطلاع پر رینجرز کے 400 اہلکاروں نے پرانا گولیمار کے علاقے ریکسر لائن میں گھر گھر تلاشی لے کر 15 افراد کو حراست میں لے لیا، ابتدائی پوچھ گچھ کے بعد 11 افراد کو رہا کردیا گیا جبکہ 4 افراد کو حراست میں لے کر ان کے قبضے سے 28 مختلف اقسام کے ہتھیار برآمد کرلئے گئے ہیں، رینجرز ترجمان کے مطابق حراست میں لئے گئے افراد کا تعلق لیاری گینگ وار سے ہے جن سے تفتیش شروع کردی گئی ہے۔

دوسری جانب کواری کالونی میں جرائم پیشہ افراد کی موجودگی کی اطلاع پر 100 سے زائد پولیس اہلکاروں نے سرچ آپریشن کیا، اس دوران 10 مشبتہ افراد کو حراست میں لیا گیا ہے جن سے تفتیش کی جارہی ہے۔