بالی ووڈ اداکارہ تبوکو فلم کی شوٹنگ کے دوران طبیعت خراب ہونے پر اسپتال لے جایا گیا

طبی امداد کی فراہمی کے بعد تبو کو اسپتال سے رخصت تو کردیا گیا تاہم فلم کی عکسبندی روک دی گئی، فوٹو: فائل

---

بالی وڈ کی اداکارہ تبو کو فلم کی عکبندی کے دوران سردی سے بچنے کے لئے آگ جلانے کے باعث کئی گھنٹے اسپتال میں زیر علاج رہنا پڑ گیا۔

بھارتی میڈیا کے مطابق اداکارہ تبو مقبوضہ کشمیر کے دارالحکومت سری نگر کے علاقے نشاد میں اپنی نئی فلم ''حیدر'' کی عکسبندی میں مصروف تھیں، اس دوران شدید سردی سے بچنے کے لئے انہوں نے لکڑیوں کو اکٹھا کرکے آگ جلائی جس سے پھیلنے والے دھویں سے ان کی طبیعت خراب ہوگئی۔

طبیعت زیادہ خراب ہونے پر فلم کے عملے نے انہیں 13 کلو میٹر دور واقع شیر کشمیر انسٹی ٹیوٹ آف میڈیکل سائنسز لے گئے جہاں وہ رات بھر زیر علاج رہیں، طبی امداد کی فراہمی کے بعد تبو کو اسپتال سے رخصت تو کردیا گیا تاہم فلم کی عکسبندی روک دی گئی۔