الیکشن کمیشن کو ن لیگ کی نظر لگ گئی انہیں صرف پی ٹی آئی نظرآرہی ہے فواد چوہدری

مسلم لیگ ن ہارس ٹریڈنگ کر رہی ہے، الیکشن کمیشن کو نوٹس لینا چاہئے، وزیراطلاعات. فائل فوٹو

---

ISLAMABAD: وزیراطلاعات فواد چوہدری کا کہنا ہے کہ الیکشن کمیشن کو نون کی نظر لگ گئی ہے اور انھیں صرف تحریک انصاف نظر آرہی ہے۔

سماجی رابطے کی ویب سائٹ ٹویٹر پر اپنی ٹویٹ میں وزیراطلاعات فواد چوہدری نے مسلم لیگ (ن) کے رہنما جاوید لطیف کی ویڈیو شیئر کرتے ہوئے کہا کہ جاوید لطیف کے کھلے اعتراف جرم کے بعد کہ عدم اعتماد کو کامیاب بنانے کیلئے مسلم لیگ نون ہارس ٹریڈنگ کر رہی ہے، الیکشن کمیشن کو نوٹس لینا چاہئے۔

جاوید لطیف کے اس کھلے اعتراف جرم کے بعد کہ عدم اعتماد کو کامیاب بنانے کیلئے مسلم لیگ نون ہارس ٹریڈنگ کر رہی ہے اصولی طور پر الیکشن کمیشن کو مسلم لیگ کو نوٹس جاری کرنا چاہئےاور وضاحت طلب کرنی چاہئیے لیکن الیکشن کمیشن کو نون کی نظر لگ گئ ہے اور انھیں صرف تحریک انصاف نظر آرہی ہے pic.twitter.com/Oku52tc8T5

— Ch Fawad Hussain (@fawadchaudhry) March 16, 2022

وزیراطلاعات کا کہنا تھا کہ اصولی طور پر الیکشن کمیشن کو مسلم لیگ کو نوٹس جاری کرنا چاہئے اور وضاحت طلب کرنی چاہیے، لیکن الیکشن کمیشن کو ن کی نظر لگ گئی ہے اور انہیں صرف تحریک انصاف نظر آرہی ہے۔