پاکستان عمدہ بیٹنگ کرکے میچ ڈرا کرنے میں کامیاب ہوا پیٹ کمنز
کھیل کے تیسرے روز ہم میچ جیتنے کی پوزیشن پر تھے، آسٹریلوی کپتان
آسٹریلوی کرکٹ ٹیم کے کپتان پیٹ کمنز نے کہا ہے کہ میچ ہاتھ سے نکلنے پر افسوس ہے، پاکستان عمدہ بیٹنگ کرکے میچ ڈرا کرنے میں کامیاب ہوا۔
کراچی میں ٹیسٹ میچ ڈرا ہونے کے بعد گفتگو کرتے ہوئے آسٹریلوی کپتان پیٹ کمنز نے کہا کہ پاکستانی بلےبازوں کے کیچز ڈراپ کرکے ملنے والے مواقع ضائع کردیے جس کا ہمیں افسوس ہے۔ کھیل کے تیسرے دن تک ہمارے بالرز چھائے رہے تھے لیکن بابراعظم، محمد رضوان اور عبداللہ شفیق نے بہترین بلےبازی کا مظاہرہ کرکے ٹیسٹ میچ ڈرا کروانے میں اہم کردار ادا کیا۔
آسٹریلوی کپتان نے اعتراف کیا کہ کراچی ٹیسٹ کے تیسرے روز میچ پر ہماری گرفت مضبوط تھی اور بولرز کو بھی ریورس سوئنگ کا فائدہ مل رہا تھا تاہم فیلڈرز کی جانب سے میچ میں کیچز ڈراپ ہونے سے صورتحال تبدیل ہوئی۔
منزید پڑھئیں: نوجوان کرکٹرز کو حوصلہ دیکر اچھے نتائج کی امید رکھ سکتے ہیں،بابراعظم
لاہور ٹیسٹ میچ کے حوالے سے انہوں نے امید کا اظہار کرتے ہوئے کہا کہ سیریز کا تیسرا اور آخری مقابلہ جیتنے کی کوشش کریں گے۔