سلمان خان کی شاہ رخ کی فلم ’’پٹھان‘‘ کے بارے میں بڑی پیشگوئی

شاہ رخ خان کی فلم ’’پٹھان‘‘ 25 جنوری 2023 کو سینما میں ریلیز کی جائے گی، فوٹوفائل

---

بالی ووڈ کے سلومیاں نے کنگ خان کی آنے والی فلم ''پٹھان'' کے بارے میں بڑی پیشگوئی کی ہے۔

بالی ووڈ کے بادشاہ شاہ رخ خان 4 سال کا طویل بریک لے کر فلم ''پٹھان'' کے ذریعے بالی ووڈ میں واپسی کررہے ہیں۔ شاہ رخ خان کے مداح فلم ''پٹھان'' کا ٹیزر دیکھ کر بے حد پرجوش ہیں، جب کہ سلمان خان نے کنگ خان کی آنے والی فلم کے بارے میں بڑی پیشگوئی کی ہے۔

یہ بھی پڑھیں: طویل انتظار کے بعد شاہ رخ خان کی فلم ''پٹھان'' کا ٹیزر ریلیز

بھارتی میڈیا کے مطابق فلم ''پٹھان'' کے پروڈیوسر آدیتیہ چوپڑا نے حال ہی میں سلمان خان کو فلم کی 20 منٹ کی فوٹیج دکھائی ہے اس فوٹیج میں سلمان خان بھی موجود ہیں۔ دراصل فلمساز نے ہدایت کار سدھارتھ آنند کے ساتھ مل کر ان مخصوص مناظر کے وی ایف ایکس کا کام مکمل کرلیا ہے اور اسی وجہ سے آدیتیہ چوپڑا کو اس پر سلمان خان کی رائے چاہئے تھی۔

یہ بھی پڑھیں: شاہ رخ خان کا پڑھائی میں دل نہ لگنے کی شکایت کرنیوالے مداح کو دلچسپ مشورہ

فلم کے مناظر دیکھنے کے بعد سلمان خان نے شاہ رخ خان سے فون پر بات کرتے ہوئے انہیں یقین دلایا کہ ان کی فلم بلاک بسٹر ہے۔ سلمان نےاپنے دوست سے کہا کہ وہ پریشان نہ ہوں کیونکہ یہ فلم باکس آفس پر نیا معیار قائم کرے گی۔ اس کے علاوہ سلو میاں نے ایکشن موڈ میں آنے کے لیے شاہ رخ خان کی طرف سے کی جانے کوششیں اور فلم کی شاندار کامیابی کے لیے انہیں ایڈوانس مبارکباد دی۔

واضح رہے کہ شاہ رخ خان کی فلم ''پٹھان'' 25 جنوری 2023 کو سینما میں ریلیز کی جائے گی۔ فلم میں کنگ خان کے ساتھ اداکارہ دپیکا پڈوکون اور جان ابراہم بھی اہم کرداروں میں نظر آئیں گے۔

https://twitter.com/iamsrk/status/1498901170399879170