شازیہ منظور اسٹیج پر گرنے سے بال بال بچ گئیں ویڈیو وائرل

معروف گلوکارہ فوٹو سیشن کے لیے اسٹیج پر آرہی تھیں کہ اس دوران وہ اپنا توازن برقرار نہ رکھ سکیں

ویب ڈیسک March 17, 2022

ٹک ٹاک اسٹار جنت مرزا نے گلوکارہ کو گرنے سے بچایا (فوٹو، فائل)

ٹک ٹاک اسٹار جنت مرزا نے معروف گلوکارہ شازیہ منظور کو اسٹیج پر گرنے سے بچا لیا جس کے مناظر کیمرے کی آنکھ میں قید ہوگئے۔

میڈیا رپورٹس کے مطابق شازیہ منظور فوٹو سیشن کے لیے اسٹیج پر آرہی تھیں کہ اس دوران وہ اپنا توازن برقرار نہ رکھ سکیں اور پیر لڑکھڑا گئے جس پر ٹک ٹاکر جنت مرزا نے فوراً آگے بڑھ کر گلوکارہ کو سہارا دیا اس طرح وہ گرنے سے بال بال بچ گئیں۔

نامور اداکارہ علیزے شاہ اور جگن کاظم کی میزبانی میں ہوئے ایک شو کے دوران جنت مرزا اور شازیہ منظور مدعو کی گئی تھیں جہاں مذکورہ واقعہ پیش آیا اور ویڈیو انٹرنیٹ پر بھی وائرل ہوگئی۔

اسٹیج پر سنبھلنے کے بعد گلوکارہ نے حیرانی سے کہا آج خود ہی گر رہی ہوں۔ دوسری جانب کئی سوشل میڈیا صارفین کا ماننا ہے کہ شازیہ منظور نے جان بوجھ کر گرنے کی اداکاری کی۔