منحرف پی ٹی آئی ایم این اے کو شہری نے کھری کھری سنادیں ویڈیو وائرل

حکومت کے منحرف رکن قومی اسمبلی نور عالم خان کا عوام میں نکلنا مشکل ہوگیا

ویب ڈیسک March 19, 2022

حکومت کے منحرف رکن قومی اسمبلی نور عالم خان کا عوام میں نکلنا مشکل ہوگیا

LONDON: حکومت کے منحرف رکن قومی اسمبلی نور عالم خان کا عوام میں نکلنا مشکل ہوگیا، ماسک پہن کر منہ چھپائے نور عالم کو شہری نے پہچان کر آڑے ہاتھوں لے لیا۔

ایک شہری نے اسلام آباد میں معروف ہوٹل کی لابی میں بیٹھے پی ٹی آئی کے منحرف ایم این اے کو کھری کھری سنا دیں جس کی ویڈیو بھی وائرل ہوگئی۔

شہری نے کہا کہ یہ لوگ ہیں جو پاکستان کو بیچ رہے ہیںِ نورعالم خان صاحب پشاور آؤں گا اور آپ کو دکھاؤں گا، آپ نے ملک کے ساتھ جو کیا عوام اسے صدیوں یاد رکھیں گے۔

شہری نے نور عالم خان سے کہا کہ آپ منہ چھپاتے کیوں پھر رہے ہیں، ماسک اتار کر بیٹھیں، میں خود پشاور سے ہوں اور وہاں آکر آپ کو دکھاؤں گا، آپ کی یہ حالت ہے کہ ملک کو بیچ رہے ہیں۔

نور عالم نے شہری سے کہا کہ خوش آمدید ضرور پشاور آئیں۔

میریٹ ہوٹل میں موجود نو عالم کے ساتھ ایک شہری ک والی کرتے ہوئے ۔۔ اب بیچارے منہ چھپاتے پھر رہے ہیں ۔ pic.twitter.com/iGKQc28Oll
— Muhammad Imran (@MannMuhammad) March 18, 2022