کرنٹ اکاؤنٹ خسارے پر قابو پانے کے لیے بروقت اقدامات کے ثمرات مل رہے ہیں عمران خان

برآمدات اپنی بلند ترین سطح کے قریب اور درآمدات 21 فیصد کم ہوئیں ساتھ ہی بڑے پیمانے پر مینوفیکچرنگ میں اضافہ ہوا

ویب ڈیسک March 19, 2022

برآمدات اپنی بلند ترین سطح کے قریب اور درآمدات 21 فیصد کم ہوئیں ساتھ ہی بڑے پیمانے پر مینوفیکچرنگ میں اضافہ ہوا (فوٹو: فائل)

وزیراعظم عمران خان نے کہا ہے کہ کرنٹ اکاؤنٹ خسارے پر قابو پانے کے لیے بروقت اقدامات کے ثمرات مل رہے ہیں۔

اپنے ٹویٹ میں وزیراعظم کا کہنا تھا کہ کرنٹ اکاؤنٹ خسارے پر قابو پانے کے لیے بروقت اقدامات کے ثمرات مل رہے ہیں، فروری میں خسارہ سکڑ کر صرف 0.5 بلین ڈالر رہ گیا جب کہ جنوری کے مقابلے میں 2 بلین ڈالر کم اور اس مالی سال میں اب تک کا سب سے کم ماہانہ کرنٹ اکاؤنٹ خسارہ ہے۔

Timely actions to contain current account deficit bear fruit.Deficit shrank to only $0.5bn in Feb,$2bn lower than in Jan & lowest monthly deficit so far this fiscal yr.Exports close to all-time high & imports down 21% from their peak & strong growth in large scale manufacturing.
— Imran Khan (@ImranKhanPTI) March 19, 2022

وزیراعظم نے مزید کہا کہ برآمدات اپنی بلند ترین سطح کے قریب اور درآمدات 21 فیصد کم ہوئیں اور بڑے پیمانے پر مینوفیکچرنگ میں اضافہ ہوا ہے۔

فروری میں بڑے پیمانے کی صنعتوں نے 82 فیصد کی شرح سے ترقی کی، خسرو بختیار

دریں اثنا وفاقی وزیر خسرو بختیار نے اپنے بیان میں کہا ہے کہ فروری میں بڑے پیمانے کی صنعتوں نے 82 فیصد کی شرح سے ترقی کی، مالی سال کے پہلے 7 ماہ میں بڑے پیمانے کی صنعتوں نے 7.6 فیصد کی شرح سے ترقی کی، آٹوموبائل اور فرٹیلائرز سیکٹر میں زبردست نمو دیکھنے کو ملی۔

خسرو بختیار نے مزید کہا کہ وزیراعظم پاکستان عمران خان نے انڈسٹریل پروموشن پیکچ کا اعلان کیا، امید ہے انڈسٹریل پروموشن پیکج سے پاکستان میں مقامی پیداوار کو مزید تقویت ملے گی۔