سرائے مغل میں 13 سالہ غیر مسلم بچی سے اسلحہ کے زور پر مبینہ زیادتی

ملزمان نے نشہ کو جان سے مار دینے کی دھمکی دی ، فوٹوفائل

---

سرائے مغل میں 13 سالہ غیر مسلم بچی کو اسلحہ کے زور پر مسلح افراد نے زبردستی مبینہ زیادتی کا نشانہ بنا ڈالا۔

ایکسپریس نیوز کے مطابق قصور کے علاقے سرائے مغل میں محنت کش کی 13 سالہ بچی سے زبردستی مبینہ زیادتی کی گئی۔ بچی کے اہل خانہ کے بیان کے مطابق نشہ بی بی رفع حاجت کے لیے باہر فصلوں میں گئی تھی، کہ ملزمان بلال اور ناصر 30 بور کی پسٹل لے کر نشہ بی بی کے پیچھے کماد کی فصل میں آ گئے۔

بیان میں بتایا گیا کہ ملزمان نے نشہ کو جان سے مار دینے کی دھمکی دی اور کہا اگر شور مچایا تو سر تن سے جدا کر دیں گے۔ ملزم ناصر 13 سالہ نشہ بی بی سے زبردستی مبینہ زیادتی کرتا رہا جبکہ دوسرا ملزم ہاتھ میں ٹوکی لے کر پہرہ دیتا رہا۔ بچی کی چیخ پکار سن کر اہل علاقہ کے لوگ اکٹھے ہوگئے اور ملزمان نشہ بی بی کو بے ہوشی حالت میں برہنہ چھوڑ کر اسلحہ لہراتے ہوئے فرار ہو گئے۔

ایس ایچ او تھانہ سرائے مغل نے بروقت کارروائی کرتے ہوئے ایک ملزم کو گرفتار کر لیا جبکہ دوسرے ملزم کی گرفتاری کے لیے چھاپے مارنے شروع کر دیئے۔ غیر مسلم بچی کے والدین نے ڈی پی او قصور صہیب اشرف اور آئی جی پنجاب سے انصاف کا مطالبہ کر دیا۔