کینیڈا کی مسجد میں نمازیوں پر کلہاڑی سے حملہ کرنے والا گرفتار

کینیڈا میں مسجد کی تصویر (فوٹو : کینیڈین میڈیا)

---

PARIS: کینیڈا میں کلہاڑی بردار شخص کی مسجد پر حملے کے دوران نمازیوں کو قتل کرنے کی کوشش ناکام بنادی گئی، پولیس نے دہشت گرد کو گرفتار کرلیا۔

کینیڈین میڈیا کے مطابق شہر میسیساگا میں واقع مسجد دار التوحید اسلامک سینٹر میں نماز فجر کے وقت 24 سالہ شخص نے کلہاڑی کے ساتھ نمازیوں پر حملے کی کوشش کی۔ ملزم اپنے ساتھ پیپر اسپرے بھی لایا تھا (جو عموماً ریچھ کو بھگانے کے لیے استعمال کیا جاتا ہے) تاکہ اس سے لوگوں کی مزاحمت کو کم کرسکے تاہم اسے کامیابی نہ ملی۔

مسجد کے امام نے بتایا کہ ملزم کلہاڑی اور بیئر اسپرے لے کر آیا، بیئر اسپرے سے چند نمازی زخمی بھی ہوئے۔ ایک عینی شاہد نے بتایا کہ ایک شخص تین نمازیوں پر بیئر اسپرے کرنے کی کوشش کررہا تھا جوکہ کلہاڑی اٹھایا ہوا تھا، لوگوں کے چیخنے پر نماز کی پہلی صف میں موجود لوگوں کو اس بات کا احساس ہوا کہ کچھ گڑبڑ ہے، اسی وقت ایک نمازی پیچھے مڑا اور اس نے حملہ آور کے ہاتھ سے کلہاڑی گرادی اور اسے پکڑلیا اور اس وقت تک نہیں چھوڑا جب تک پولیس نہ آگئی۔

Today at the Fajr (dawn prayer) at the Dar Al-Tawheed Islamic Centre in Mississauga, our congregants were subject to a violent attack.

An individual came wielding an ax and carrying numerous other sharp edged weapons, as well as pepper spray. (1/3

— Ibrahim Hindy (@Hindy500) March 19, 2022

پولیس کے مطابق گرفتار شخص کا نام محمد معیز عمر ہے جس کے خلاف چھ مقدمات درج کرکے واقعے کی تفتیش شروع کردی ہے۔