چین کا مسافر بردار طیارہ گر کر تباہ 133 افراد کی ہلاکت کا خدشہ

حادثے کا شکارچینی طیارہ اندرون ملک پرواز پرتھا:فوٹو:فائل

---

چین کے صوبے گونگش میں مسافر بردار طیارہ پہاڑی پر گر کر تباہ ہوگیا جس میں 133 افراد سوار تھے۔

غیر ملکی خبر رساں ادارے نے چینی میڈیا کے حوالے سے بتایا کہ طیارہ کونمینگ سے گوانگزو کے لیے محو پرواز تھا۔ حکام کی جانب سے تاحال حادثے میں ہلاکتوں یا زخمی افراد کے بارے میں تصدیق نہیں کی گئی ہے تاہم خدشہ ظاہر کیا جارہا ہے کہ جہاز میں موجود تمام مسافر ہلاک ہوچکے ہیں۔ مقامی میڈیا کے مطابق امدادی کارروائیاں جاری ہیں اور ریسکیو عملہ تعینات کردیا گیا ہے۔

The first minutes after the Boeing 737 crash in southern China. Video published by eyewitnesses. pic.twitter.com/jWdgiq9iSH

— Ignorance, the root and stem of all evil (@ivan_8848) March 21, 2022

طیارہ گرنے کے بعد گوانگ ژی میں پہاڑوں پر آگ لگنے کی اطلاعات موصول ہوئی ہیں۔ فلائٹ ٹریکنگ ویب سائٹس کے مطابق طیارہ پرواز بھرنے کے صرف ایک گھنٹے تک فضا میں دکھائی دیا۔

دوسری جانب وزیر اعظم عمران خان نے مسافر بردار طیارے کو پیش آنے والے حادثے کے نتیجے انسانی جانوں کے المناک ضیاع پر افسوس کا اظہار کیا ہے۔

انہوں نے سماجی روابط کی ویب سائٹ ٹوئٹر پر کہا کہ واقعہ پر بےحد رنجیدہ ہوں، ہم اپنے چینی بھائیوں کے غم میں برابر کے شریک اور متاثرہ خاندانوں سے دلی ہمدردی و تعزیت کا اظہار کرتے ہیں۔

چین میں مسافر بردار طیارے کو پیش آنے والے حادثے کے نتیجے انسانی جانوں کے المناک ضیاع پر بےحد رنجیدہ ہوں۔ ہم اپنے چینی بھائیوں کے غم میں برابر کے شریک اور متاثرہ خاندانوں سے دلی ہمدردی و تعزیت کا اظہار کرتے ہیں۔

— Imran Khan (@ImranKhanPTI) March 21, 2022