پاکستان ویمن کرکٹ ٹیم کی 2009 کے بعد ورلڈ کپ میں پہلی فتح

ندا ڈار کو بہترین باؤلنگ پر پلئر آف دی میچ کا ایوارڈ ملا

ویب ڈیسک March 21, 2022

پاکستانی بلے باز منیبہ علی چوکا لگاتے ہوئے۔ فوٹو : آئی سی سی

کراچی: پاکستان ویمن کرکٹ ٹیم نے ورلڈ کپ 2022 میں پہلی فتح اپنے نام کرلی، خواتین ٹیم 2009 کے بعد پہلی مرتبہ ورلڈ کپ میں کوئی میچ جیتی ہیں۔

خواتین کرکٹ ٹیم نے نیوزی لینڈ میں جاری ورلڈ کپ کے دوران ویسٹ انڈیز کے خلاف یہ فتح حاصل کی۔ قومی ٹیم نے89 رنز کا ہدف حاصل کرتے ہوئے 8وکٹوں سے مخالف ٹیم کو شکست دی۔

میچ بارش کی وجہ سے بیس اوورز فی اننگز تک محدود کر دیا گیا تھا۔

First WC win for Pakistan Women since 2009- and captain @maroof_bismah has been witness to both!

Congratulations, team! 👏🏼🇵🇰#BackOurGirls | #CWC22 | #WIvPAK pic.twitter.com/QXQopHNHmj
— Pakistan Cricket (@TheRealPCB) March 21, 2022

ندا ڈار نے میچ میں چار اوورز کے دوران 10 رنز دے کر چار وکٹیں حاصل کیں، جس پر انہیں پلیئر آف دی میچ کا ایوارڈ دیا گیا۔

اس سے قبل، پاکستان ویمن ٹیم بھارت، آسٹریلیا، جنوبی افریقہ اور بنگلہ دیش سے اپنے ہار چکی ہے۔ آئی سی سی ویمن ورلڈ کپ 2022 میں نیوزی لینڈ میں جاری ہے۔