منیب بٹ نے ایمن خان کیساتھ فلم دیکھنے کیلئے پورا سینما بک کرالیا

ایمن تمہارے لیے پورا سینما بک کیا ہے، منیب بٹ فوٹوفائل

---

لاہور: اداکار منیب بٹ نے اپنی اہلیہ ایمن خان کے ساتھ فلم دیکھنے کے لیے پورا سینما ہی بک کرالیا۔

اداکار منیب بٹ ان دنوں اپنی بیوی اداکارہ ایمن خان اور بیٹی امل منیب کے ہمراہ دبئی میں چھٹیوں سے لطف اندوز ہورہے ہیں اور وہاں سے مداحوں کے لیے سوشل میڈیا پر تصاویر بھی شیئر کررہے ہیں۔

گزشتہ روز منیب بٹ نے انسٹااسٹوری پر ایک مختصر ویڈیو شیئر کی، جس میں وہ اور ان کی اہلیہ تھیٹر میں موجود ہیں جہاں اسکرین پر عالیہ بھٹ کی حال ہی میں ریلیز ہوئی فلم ''گنگو بائی کاٹھیاواڑی'' چل رہی ہے۔

ویڈیو میں منیب بٹ ایمن خان کو بول رہے ہیں ''ایمن تمہارے لیے پورا سینما بک کیا ہے، اب اگر گنکو بائی فلم اچھی نہیں ہوئی تو پھر یہ نا تھی ہماری قسمت کی آخری قسط دیکھیں گے''۔ ویڈیو کے ساتھ کیپشن میں منیب نے لکھا ''پرائیوٹ شو گنگو بائی''۔