بدی کیخلاف عوام 27مارچ کو میرے ساتھ نکلے وزیراعظم کا اہم پیغام

وزیراعظم کا قوم کے نام اہم ویڈیو پیغام۔ فائل : فوٹو

---

کراچی: وزیراعظم عمران خان نے کہا ہے کہ عوام 27 مارچ کو میرے ساتھ نکلے تاکہ یہ پیغام دیا جائے کہ ہم بدی کے ساتھ نہیں بلکہ بدی کے خلاف ہیں۔

قوم کے نام اہم پیغام میں وزیراعظم نے کہا کہ قوم چوری کے پیسوں سے عوامی نمائندوں کے ضمیر خریدنے والوں کے خلاف ہے، اس لیے عوام میرے ساتھ نکلے تاکہ آئندہ جمہوریت کو ہارس ٹریڈنگ کے ذریعے نقصان نہ پہنچایا جائے۔

وزیراعظم @ImranKhanPTI کا قوم کے نام اہم پیغام pic.twitter.com/abeHvXAi0Z

— PTI (@PTIofficial) March 24, 2022

وزیراعظم عمران خان نے کہا کہ اللہ قرآن میں حکم دیتا ہے کہ تم نے اچھائی کے ساتھ اور بدی کے خلاف کھڑے ہونا ہے، اسی سے ایک معاشرہ زندہ رہتا ہے۔

وزیر اعظم کا کہنا تھا کہ ملک کو 30 سال سے لوٹنے والا ڈاکوؤں کو ٹولا کھلے عام عوامی نمائندوں کے ضمیر کی قیمتیں لگا رہا ہے۔