تحریک عدم اعتماد پیش کرنے کی اجازت نہ دی تو ہنگامہ کریں گے آصف علی زرداری

آصف زرداری کی پارلیمنٹ ہاؤس آمد پر صحافیوں سے غیررسمی گفتگو۔ فوٹو : فائل

---

پاکستان پیپلزپارٹی کے شریک چیئرمین آصف علی زرداری نے کہا ہے کہ اگر اسپیکر اسمبلی نے تحریک عدم اعتماد پیش کرنے کی اجازت نہ دی تو ہنگامہ کریں گے۔

پارلیمنٹ ہاؤس آمد پر صحافیوں سے غیر رسمی گفتگو میں سابق صدر آصف زرداری نے کہا کہ ہار جیت اللہ کے ہاتھ میں ہے لیکن ہمیں اپنی جیت پر 100 فیصد یقین ہے۔

ایک سوال کے جواب میں انہوں نے کہا کہ ہماری تیاری مکمل ہے اور آپ دیکھیں گے کہ ہم کیا کرتے ہیں، میں کہتا ہوں کہ انشاء اللہ بہتر ہوگا۔

آصف علی زرداری کی گفتگو۔ pic.twitter.com/EW8WdUIWCf

— Malik Ali Raza (@MalikAliiRaza) March 25, 2022

غیر جمہوری قوتوں کی جانب سے فائدہ اٹھانے کے سوال پر آصف زرداری نے کہا کہ جسے بہت شوق ہے آکر ملک کو سنبھال لے۔

دوسری جانب، قومی اسمبلی کا غیر معمولی اجلاس وزیراعظم کے خلاف تحریک عدم اعتماد پر کارروائی کے بغیر پیر 28 مارچ تک ملتوی کر دیا گیا۔