عاصم اظہر اور میرب کا خصوصی بچی کے ساتھ پرفارم کرنے کا مثالی اقدام

عاصم اور میرب کی ویڈیو کو خوب پذیرائی مل رہی ہے (فوٹو، فائل)

---

معروف گلوکار عاصم اظہر اور ان کی منگیتر اداکارہ میرب علی کی خصوصی بچی کے ساتھ پرفارمنس پر مداح داد دیے بغیر نہ رہے۔

میڈیا رپورٹس کے مطابق عاصم اور میرب نے دبئی کے ایک کنسرٹ کے دوران ڈاؤن سنڈروم کی شکار بچی کے ساتھ ملی نغمہ گا کر اپنے پرستاروں کے دل جیت لیے۔

ماڈل واداکارہ میرب علی، عاصم اظہر اور اسپیشل بچی نے مل کر ملی نغمہ 'دل دل پاکستان' گن گنایا جس کی ویڈیو سوشل میڈیا پر وائرل ہوگئی۔ انسانیت سے ہمدردی اور محبت کا اس طرح اظہار پر پرستار دونوں کی خوب تعریف کررہے ہیں۔

گلوکار نے سماجی رابطے کی فوٹو اور ویڈیو شیئرنگ ایپ انسٹاگرام پر ویڈیو کے کیپشن میں لکھا کہ 'اگر آپ سب نے میرا دبئی کا کانسرٹ نہیں دیکھا تو یہ تھا اصل کانسرٹ'۔

خیال رہے کہ عاصم اظہر نے 23 مارچ کو یومِ پاکستان پر دبئی میں اپنے پہلے کانسرٹ میں پرفارم کیا تھا۔