’دعا ہے عمران خان اپنی مدت پوری کریں‘ شوبز ستاروں کے وزیراعظم کیلئے پیغامات

’’عمران خان سب سے پہلے تو آپ نے گھبرانا نہیں ہے‘‘، فنکاروں کا وزیراعظم سے اظہار یکجہتی

ویب ڈیسک March 27, 2022

عمران خان سب سے پہلے تو آپ نے گھبرانا نہیں ہے، فنکاروں کی وزیراعظم سے اظہار یکجہتی فوٹوفائل

شوبز سے تعلق رکھنے والے فنکاروں نے وزیراعظم عمران خان کے ساتھ اظہار یکجہتی کرتے ہوئے پیغامات جاری کیے ہیں جن میں انہیں اپنی حمایت کا یقین دلایا ہے۔

اداکار ہمایوں سعید نے ٹوئٹر پر جاری پیغام میں کہا کہ وہ عمران خان کے اس وقت سے مداح ہیں جب سے وہ کھلاڑی تھے اور آج بھی وہ ان کی قائدانہ صلاحیتوں سے متاثر ہیں۔ میری خواہش ہے اور میں دعا کرتاہوں کہ عمران خان اپنی مدت پوری کریں۔ ہمایوں سعید نے ٹوئٹ میں عمران خان کی سلامتی کے لیے دعا کرتے ہوئے آج کے جلسے کا عنوان''امربالمعروف'' کا ہیش ٹیگ بھی استعمال کیا۔

Have been a fan of @ImranKhanPTI since he was a sportsman and still an admirer of his leadership. I wish and pray that he completes his tenure. May Allah bless him #AmarBilMaroof @FaisalJavedKhan @fawadchaudhry pic.twitter.com/NIhqqDtg0k
— Humayun Saeed (@iamhumayunsaeed) March 26, 2022

اداکار بلال قریشی نے اپنی انسٹااسٹوری پر وزیراعظم کے لیے پیغام لکھا ''عمران خان سب سے پہلے تو آپ نے گھبرانا نہیں ہے'' اس کے بعد انہوں نے کہا کہ وہ اپنے وزیراعظم کے لیے 27 مارچ کے جلسے میں شرکت کریں گے۔

اداکار شان شاہد نے عمران خان کے ساتھ اظہار یکجہتی کرتے ہوئے کہا کہ وہ عمران خان کے ساتھ کھڑے ہیں۔ شان شاہد نے مزید کہا کہ پاکستان کو صرف ایک ایسے لیڈر کی ضرورت ہے جو اسے روشن مستقبل کی طرف لے جائے۔ آپ اپنی پارلیمنٹ رکھ سکتے ہیں لیکن آپ ہمارے لیڈر کو کبھی نہیں چھین سکتے۔

#IstandwithImranKhan Pakistan has spoken they want only one leader to lead them to a brighter future of Pakistan. They have shown solidarity with @ImranKhanPTI you can keep your parliament but you can never take away our leader♥️💯🧿🇵🇰 pic.twitter.com/sRzGeFW8j0
— Shaan Shahid (@mshaanshahid) March 26, 2022

اداکارہ ثمینہ پیرزادہ نے بھی عمران خان کی حمایت میں گزشتہ روز ٹوئٹ کرتے ہوئے کہا ''اپنے کپتان کو اللہ کی امان میں دیا''۔ بعد ازاں انہوں نے آج صبح ایک اور ٹوئٹ میں کہا ''بول کے لب آزاد ہیں تیرے۔ ہم ہی بدلیں گے پاکستان۔ تبدیلی ایک فردسے شروع ہوتی ہے۔ آئیے پاکستان کو ہر شہری کے لیے ایک محفوظ ملک بنائیں۔ آئیے ایک ذمہ دار شہری بنیں۔ آئیے پاکستان کو صاف ستھرا رکھیں۔''

Apnay Kaptaan ko Allah ki amaan mai diya.
— Samina Peerzada (@SaminaSays) March 26, 2022

Bol Kay lub azaad hain teray. Hum hi badlain gay Pakistan. Change starts with one single person. Let’s make Pakistan a safe place for every citizen. Let’s be responsible citizens. Let’s keep Pakistan clean.
— Samina Peerzada (@SaminaSays) March 27, 2022