خیبر پختون خوا کے سرکاری و نجی کالجوں میں تعطیلات کا اعلان
چند روز قبل صوبے بھر کے پرائمری اور سیکنڈری اسکولوں میں تعطیلات کا اعلان کیا گیا تھا
خیبر پختون خوا میں 7 سات روز کے لیے سرکاری و نجی کالجوں میں تعطیلات کا اعلان کردیا گیا۔
ایکسپریس نیوز کے مطابق محکمہ تعلیم خیبر پختون خوا نے چند روز قبل پرائمری اور سیکنڈری اسکولوں میں موسم بہار کی تعطیلات کا نوٹی فکیشن جاری کیا تھا لیکن اب محکمہ تعلیم نے سرکاری و نجی کالجز میں بھی موسم بہار کی تعطیلات کا اعلان کردیا ہے۔
کے پی محکہ تعلیم کے جاری کردہ نوٹی فکیشن کے مطابق صوبے بھر میں تمام سرکاری اور نجی کالجز یکم اپریل سے 7 اپریل تک موسم بہار کی تعطیلات کی وجہ سے بند رہیں گے۔