شوبز ستارے بھی تحریک عدم اعتماد میں وزیراعظم کی حمایت میں میدان میں آگئے

یہ محض ایک شخص کا نہیں بلکہ ملک کا معاملہ ہے، اداکارہ صبا قمر

ویب ڈیسک March 28, 2022

یہ محض ایک شخص کا نہیں بلکہ ملک کا معاملہ ہے، اداکارہ صبا قمر

شوبز فن کار بھی قومی اسمبلی میں تحریک عدم اعتماد میں وزیراعظم عمران خان کی کامیابی کیلئے دعا گو ہیں۔

اپوزیشن نے قومی اسمبلی میں وزیراعظم عمران خان کےلیے تحریک اعتماد پیش کی ہے۔ حکومت اور اپوزیشن دونوں عوامی قوت کا مظاہرہ کرتے ہوئے پاور شو کررہے ہیں۔ گزشتہ روز حکومت نے اسلام آباد میں ایک بڑا جلسہ کیا اور عمران خان عوام سے حمایت کی اپیل کررہے ہیں۔

یہ بھی پڑھیں: 'دعا ہے عمران خان اپنی مدت پوری کریں'؛ شوبز ستاروں کے وزیراعظم کیلئے پیغامات

ایسے میں شوبز ستارے بھی اپنے کپتان کی حمایت میں میدان میں آگئے۔ اداکارہ صبا قمر نے ٹوئٹر پر بیان میں کہا کہ محض یہ ایک شخص کا نہیں بلکہ ملک کا معاملہ ہے۔ انہوں نے دعا کی کہ اللہ تعالی وزیراعظم عمران خان کو کامیابی عطا کرے آمین۔

Those busy playing dirty politics, have they fathomed the burden a new election or a new leader will put on state exchequer? IK is a mass leader. People’s love for him is proof. For the sake of Pakistan, let the man complete his term before writing him off.🙏🏽
— Adnan Siddiqui (@adnanactor) March 28, 2022

اداکار عدنان صدیقی بھی کپتان کی حمایت میدان میں آگئے۔ انہوں نے اپوزیشن جماعتوں کو مخاطب کرتے ہوئے کہا کہ انہیں اندازہ بھی ہے ایک مستحکم حکومت کو گرانے سے عوام کے لیے کیا مضمرات ہوں گے۔ انہوں نے کہا کہ گندی سیاست میں مصروف لوگوں کو کچھ اندازہ بھی ہے کہ کیا ملک نئے انتخابات کا متحمل ہوسکتا ہے۔ لوگوں کی محبت اس بات کا ثبوت ہے کہ عمران خان عوامی رہنما ہے۔ پاکستان کی خاطر عمران خان کو ہٹانے کی بجائے مدت پوری کرنے دی جائے۔

ماہرہ خان نے بھی عمران خان لکھ کر قومی پرچم اور دعا کا ایموجی ٹوئٹ کرایا۔