کراچی کےعلاقے اورنگی ٹاؤن میں بینک ڈکیتی ڈاکو 45 لاکھ روپے لوٹ کر فرار

اورنگی ٹاؤن میں قذافی چوک کے قریب ڈاکو نجی بینک سے 45 لاکھ روپے لوٹ کر فرار ہوگئے۔


ایکسپریس نیوز کے مطابق کراچی کے علاقے اورنگی نمبر 3 پر قذافی چوک کے قریب 5 مسلح ڈاکو بینک الاسلامی کی برانچ میں داخل ہوکر عملے، گارڈز اور وہاں موجود کھاتے داروں کو یرغمال بنانے کے بعد 45 لاکھ روپے سے زائد کی رقم لوٹ کر با آسانی فرار ہوگئے جب کہ ڈاکو جاتےہوئے گارڈز کا اسلح بھی اپنے ساتھ لے گئے۔

ڈکیتی کے دوران ڈاکوؤں کی جانب سے بینک میں لگے سی سی ٹی وی کیمروں کی فوٹیج حاصل کرنے کے لئے کنٹرول روم میں بھی توڑ پھوڑ کی گئی۔ ڈکیتی کے بعد پولیس نے بینک میں موجود عملے اور صارفین کے بیانات قلم بند کرنے کے بعد تحقیقات شروع کردیں ہیں۔