ڈی آئی خان میں تین طالبات نے مدرسے کی معلمہ کو قتل کردیا

پولیس نے مقتولہ کے چچا کی مدعیت میں قتل کا مقدمہ درج کرکے تینوں خواتین ملزمان کو گرفتار کرلیا

---

RAWALPINDI: ڈیرہ اسماعیل خان میں مدرسے کی معلمہ کو تین طالبات نے چاقو کے وار کرکے قتل کردیا۔

پولیس کے مطابق انجم آباد کے علاقے میں واقع مدرسے جامعہ اسلامیہ فلاح البنات مدرسے کے دروازے پر اسی مدرسے کی معلمہ کو تین طالبات نے چاقو سے گلا کاٹ کر قتل کر دیا۔

مقتولہ تدریس کے لیے صبح ساڑھے 7 بجے مدرسے پہنچی تھیں جب یہ واقعہ پیش آیا۔ پولیس نے مقتولہ کے چچا کی مدعیت میں قتل کا مقدمہ درج کرکے تینوں خواتین ملزمان کو گرفتار کرلیا اور تفتیش شروع کردی ہے۔ پولیس نے واقعے کی وجہ ذاتی رنجش کو قرار دیا ہے۔

ڈیرہ اسماعیل خان میں افسوسناک واقعہ😠😡 انجم آباد میں مدرسہ فلاح البنات کی تین طالبات نے مل کر معلمہ کو ذبح کر دیا، پولیس نے تینوں طالبات کو گرفتار کر کے آلات قتل برآمد کر لیے اور تفتیش شروع کر دی...۔ https://t.co/lrMmJBYyyf

— شاہزیب چوہدری (@Shahzaib7815) March 29, 2022