طیارے میں راکھی ساونت کا اعلان سن کر مسافروں کی جان حلق میں آگئی

ایک مسافر نے راکھی کو مشورہ دیا کہ آپ طیارے کو پیچھے سے دھکا لگائیں (فوٹو، انٹرنیٹ)

---

بھارتی اداکارہ راکھی ساونت نے جہاز میں سوار ہوکر مذاقاً اعلان کیا کہ وہ طیارہ اڑائیں گی اور یہ سننا تھا کر مسافروں کو اپنی جان کی پڑگئی۔

میڈیا رپورٹس کے مطابق راکھی ساونت کی ایک ویڈیو انٹرنیٹ پر وائرل ہے جس میں وہ یہ کہتی نظر آرہی ہیں کہ آج وہ پائلٹ بن کر یہ طیارہ آپریٹ کریں گی۔ ڈانسر واداکارہ نے مسافروں سے جب اس بارے میں پوچھا تو سب نے مل کر بے ساختہ کہا ''نہیں'' جس پر راکھی نے التجا بھی کی کہ مجھے طیارہ اڑانے کا ایک موقع دیا جائے۔

مسافروں کے ''نہ'' کرنے پر راکھی ساونت نے کہا ٹھیک ہے پھر جانے دو، اس دوران وہاں موجود ایک مسافر نے اداکارہ کو مشورہ دیا کہ آپ پائلٹ بننے کے بجائے جہاز کو پیچھے سے دھکا دے دیں۔

خیال رہے کہ راکھی ساونت اپنے متنازع بیانات کی وجہ سے ہمیشہ سوشل میڈیا پر توجہ کا مرکز بنتی رہی ہیں۔

View this post on Instagram

A post shared by Rajeev Khinchi (@the_rajeevkhinchi)