ترین گروپ کا پالیسی کو حتمی شکل دینے کا فیصلہ

پنجاب میں کس کی حمایت کرنا ہے، اس حوالے سے پالیسی بنائی جائے گی۔ فائل فوٹو

---

MIAMI: جہانگیر ترین گروپ نے پالیسی کو حتمی شکل دینے کا فیصلہ کرتے ہوئے کل باضابطہ مشاورتی اجلاس لاہور میں طلب کر لیا۔

عون چوہدری کے مطابق اجلاس کل شام پانچ بجے سینیئر رہنما اسحاق خاکوانی کی رہائش گاہ پر ہوگا، غیر رسمی مشاورت آج بھی جاری رہے گی تاہم تمام اراکین اسمبلی کا باضابطہ اجلاس کل ہوگا۔

ترین گروپ کے اجلاس میں تمام ارکان پنجاب اسمبلی، وزراء اور سینیئر رہنماؤں کو مدعو کیا گیا۔

اجلاس میں وفاقی وزراء، مسلم لیگ ن اور چوہدری برادران کے رابطوں سے متعلق جائزہ لیا جائے گا اور پنجاب میں کس کی حمایت کرنا ہے، اس حوالے سے پالیسی بنائی جائے گی۔