وزیراعظم کو دھمکی آمیز خط کی تحقیقات کےلیے سپریم کورٹ میں درخواست دائر

عوام کو ذہنی تناؤ سے نکالنے کیلئے فوری مداخلت کی ضرورت ہے، درخواست گزار

---

وزیراعظم عمران خان کو دھمکی آمیز خط کا معاملہ سپریم کورٹ تک پہنچ گیا۔

ایڈووکیٹ ذوالفقار بھٹہ نے سپریم کورٹ میں تحقیقات کیلئے درخواست دائر کر دی۔ انہوں نے وزیراعظم کی جانب سے دکھائے گئے خط کی تحقیقات کا حکم دینے کی استدعا کی۔

درخواست گزار نے کہا کہ عوام کو ذہنی تناؤ سے نکالنے کیلئے فوری مداخلت کی ضرورت ہے، دھمکی آمیز خط اتنہائی حساس اور سنجیدہ معاملہ ہے، اس خط کو متعلقہ سول اور فوجی قیادت کو بھجوا کر تحقیقات کروائی جائیں۔