مقبوضہ کشمیر میں برقع پوش خاتون کے فوجی کیمپ پر حملے کی ویڈیو وائرل

حملہ آور خاتون کو گرفتار کرنے کے لیے علاقے کا محاصرہ کرلیا گیا، فوٹو: ویڈیو گریب

---

مقبوضہ کشمیر میں ایک برقع پوش خاتون کے بھارتی پیرا ملٹری فورس کے کیمپ پر پٹرول بم حملے سے افسران کی دوڑیں لگ گئیں۔

مقبوضہ کشمیر کے ضلع سوپور کے علاقے میں واقع سینٹرل ریزرو پولیس فورس کے کیمپ پر پٹرول بم سے حملہ کیا گیا۔ حملے سے افسران اور اہلکار خوف زدہ ہوکر بھاگ کھڑے ہوئے۔

سینٹرل ریزرو پولیس فورس کے کیمپ پر لگے سی سی ٹی وی کیمروں کی فوٹیج وائرل ہوگئیں جس میں دیکھا جا سکتا ہے کہ برقع پوش خاتون پیدل آتے ہوئے سیکیورٹی کیمپ کے مرکزی دروازے کے سامنے کھڑی ہوجاتی ہیں۔

#WATCH Bomb hurled at CRPF bunker by a burqa-clad woman in Sopore yesterday#Jammu&Kashmir

(Video source: CRPF) pic.twitter.com/Pbqtpcu2HY

— ANI (@ANI) March 30, 2022

خاتون نے تھیلے سے پٹرول بم نکالا اور سینٹرل ریزرو پولیس فورس کے کیمپ کی جانب پھینک دیا تاہم یہ بم اندر داخل نہ ہوسکا اور دروازے پر ہی گر گیا۔

پٹرول بم گرنے سے دروازے پر آگ بھڑک اُٹھی جسے ایک سیکیورٹی اہلکار نے بجھا دیا۔ حملے کے بعد خاتون کی تلاش میں پورے علاقے کا محاصرہ کرلیا گیا۔

سوپور پولیس کے چیف کا کہنا ہے کہ حملہ آور خاتون کہیں نہیں چھپ سکتیں۔ انھیں جلد یا بدیر گرفتار کرلیا جائے گا۔