پاکستان میں آئینی عمل کی حمایت اور احترام کرتے ہیں امریکا

کراچی:
امریکا کا کہنا ہے کہ پاکستان کے آئینی عمل کا احترام کرتے ہیں دھمکی آمیز خط کے الزامات میں صداقت نہیں۔

امریکی محکمہ خارجہ کے ترجمان نیڈ پرائس نے میڈیا بریفنگ میں کہا کہ پاکستان کی صورتحال کا بغورجائزہ لے رہے ہیں۔پاکستان میں قانون کی حکمرانی اورآئینی عمل کی حمایت اوراحترام کرتے ہیں۔ترجمان کا مزید کہنا تھا کہ دھمکی آمیز خط کے حوالے سے الزامات میں کوئی حقیقت نہیں ہے۔


وزیراعظم عمران خان نے گزشتہ روز قوم سے خطاب میں کہا تھا کہ ایک طاقتور ملک کی جانب سے دھمکی آمیز مراسلہ بھیجا گیا۔

سفارتی ذرائع کے مطابق وزیر اعظم عمران خان کی جانب سے نیشنل سیکیورٹی کمیٹی کے اجلاس میں فیصلہ کیا گیا تھا کہ اس خط کے معاملے پر سفارتی سطح پر احتجاج کیا جائے گا۔امریکی سفارتکار کودفترخارجہ طلب کرکے احتجاج کیا گیا۔