عمران خان نے آئین اورجمہوریت کوآگ لگانے کی کوشش کی بلاول بھٹوزرداری

عمران خان کا جمہوری ووٹ سے فرار آئندہ انتخابات کوبھی دھاندلی زدہ کرنے کی کوشش ہوسکتی ہے،بلاول بھٹوزرداری

ویب ڈیسک April 05, 2022

پاکستان میں ایسے نظام کی ضرورت ہے جوغیرجمہوری حکومت کواقتدارمیں آنے سے روکے،بلاول بھٹوزرداری:فوٹو:فائل

ISLAMABAD: بلاول بھٹوزرداری کا کہنا ہے کہ عمران خان نے ملک کے آئین اورجمہوریت کوآگ لگانے کی کوشش کی۔ ہم عمران خان کی بغاوت کے خلاف مزاحمت کریں گے۔

برطانوی اخبارکے لئے لکھے گئے مضمون میں بلاول بھٹوزرداری نے کہا کہ پاکستان میں ایسے نظام کی ضرورت ہے جوغیرجمہوری حکومت کواقتدار میں آنے سے روکے۔

بلاول کا کہنا تھا کہ عمران خان ایسا غیرآئینی نظام چاہتے ہیں جوان جیسے آمروں کا دفاع کرے لیکن انہیں ایسی تمام کوششوں میں ناکامی ہوگی۔

بلاول بھٹوزرداری نے مزید کہا کہ عمران خان نے تحریک عدم اعتماد کے فرار اختیارکرکے جوکچھ کیا وہ آئین اورجمہوریت کوآگ لگانے کی کوشش تھی۔عمران خان نے جمہوری ووٹ سے بزدلوں کی طرح راہ فرار اختیار کی اورآئندہ انتخابات کو بھی دھاندلی زدہ کرنے کی کوشش کی ہے۔