عائشہ عمر نے بلاول بھٹو اور عامر لیاقت کو کیا مشورہ دیا

انٹرویو میں عائشہ عمر نے بلاول بھٹو اورعامر لیاقت کو مشورہ دیا

ویب ڈیسک April 08, 2022

عائشہ عمر حال ہی میں ایک آن لائن شو میں شریک ہوئیں فوٹوفائل

اداکارہ عائشہ عمر نے پیپلز پارٹی کے چیئرمین بلاول بھٹو زرداری اور ٹی وی میزبان عامر لیاقت حسین کو مشورہ دیا ہے۔

عائشہ عمر حال ہی میں ایک آن لائن شو میں شریک ہوئیں۔ جہاں انٹرویو کے دوران میزبان نے ان سے کہا کہ آپ بلاول بھٹو زرداری کو کیا مشورہ دینا چاہیں گی؟ عائشہ عمر نے بلاول کو مشورہ دیتے ہوئے کہا آپ کی اردو بہتر ہورہی ہے اور بہتر کریں کیونکہ یہی کامیابی کی چابی ہے۔

یہ بھی پڑھیں: خانہ کعبہ جانے کی بہت خواہش ہے لیکن آج تک نہیں جاسکی، عائشہ عمر

میزبان نعمان اعجاز نے کہا سب کے ہر دلعزیز عامر لیاقت صاحب کو کیا مشورہ دیں گی؟ تو عائشہ عمر نے کہا مجھے لگتا ہے کہ انہیں اپنی نجی زندگی کی چیزیں عوامی سطح پر نہیں بتانی چاہئیں اور ان کا تماشہ نہیں بنانا چاہئے۔