قومی اسمبلی میں سعد رفیق کے حکومتی نشستوں پر فواد چوہدری سے راز و نیاز

خواجہ سعد رفیق فواد چوہدری کو نشست سے اٹھاکر الگ نشست پر بیٹھ گئے ، دونوں کے درمیان گفت و شنید ہوتی رہی۔

---

ن لیگ کے رہنما سعد رفیق حکومتی بنچز پر آگئے اور فواد چوہدری اور شفقت محمود سے گپ شپ کرنے لگے۔

تحریک عدم اعتماد پر ووٹنگ کےلیے قومی اسمبلی کا اجلاس صبح ساڑھے 10 بجے شروع ہوا اور آدھا گھنٹہ جاری رہنے کے بعد ساڑھے 12 بجے تک ملتوی کردیا گیا۔

اسمبلی اجلاس میں وقفہ؛ فواد چوہدری کے بعد شفقت محمود بھی رازونیاز کیلئے خواجہ سعد رفیق کے پاس آ گئے 😀
وزیراعظم عمران خان کیخلاف عدم اعتماد ووٹنگ ابھی ہونا باقی ہے۔ pic.twitter.com/LwQMp1kId2

— Gharidah Farooqi (T.I.) (@GFarooqi) April 9, 2022

وقفے کے دوران خواجہ سعد رفیق وفاقی وزرا فواد چوہدری اور شفقت محمود سے گپ شپ کے لیے حکومتی بنچز پر آگئے۔ خواجہ سعد رفیق فواد چوہدری کی نشست پر آئے اور انہیں نشست سے اٹھاکر الگ نشست پر بیٹھ گئے۔ دونوں کے درمیان گفت و شنید جاری رہی۔

بلاول بھٹو بھی چوہدری شجاعت کے بیٹے سالک حسین کا شکریہ ادا کرنے ان کی نشست پر پہنچ گئے۔

اسمبلی اجلاس ساڑھے بارہ تک ملتوی؛ فواد چوہدری، خواجہ سعد رفیق کے ساتھ رازونیاز کرتے ہوئے 😀😄 pic.twitter.com/qj29qpjhD5

— Usman Chohan (@UsmanCh7575) April 9, 2022