یوٹیوبر ڈکی بھائی کو ’ڈکی بھابھی‘ کیسے ملیں

معروف یوٹیوب اسٹار نے اپنی ہونے والی بیوی سے پہلی گفتگو کا اسکرین شاٹ شیئر کردیا

ویب ڈیسک April 14, 2022

معروف یوٹیوب اسٹار نے اپنی ہونے والی بیوی سے پہلی گفتگو کا اسکرین شاٹ شیئر کردیا فوٹو:انسٹاگرام

اپنے پسندیدہ سلیبرٹی کو پیغام بھیجنا اتنا بھی مایوس کن نہیں جتنا اسے سمجھا جاتا ہے کیونکہ اس ہی طریقے سے معروف یوٹیوبر ڈکی بھائی کا ان کی منگیتر سے پہلا رابطہ ہوا تھا۔

سعد الرحمٰن عرف ڈکی بھائی نے سماجی رابطے کی ویب سائٹ ٹوئٹر پر بیان جاری کرتے ہوئے بتایا ہے 12 اپریل کو ان کی منگنی ہوگئی۔

انہوں نے اپنی ٹویٹ میں بتایا کہ 12 اپریل 2018 کو پہلی مرتبہ ان کی مداح اروبہ جتوئی نے انہیں انسٹاگرام پر پیغام بھیجا تھا اور ٹھیک 4 سال بعد 12 اپریل کو ان کی اروبہ جتوئی ہی سے منگنی ہوگئی ہے۔

On 12th April 2018 Aroob and I interacted for the first time and right after 4 years exact same date on 12th April 2022 we got engaged. How beautiful. pic.twitter.com/4KSLGHDTlT
— Ducky Bhai (@duckybhai) April 13, 2022

ٹویٹ کے ساتھ یوٹیوبر کی جانب سے شیئر کیے گئے اسکرین شاٹ میں دیکھا جاسکتا ہے کہ اروبہ نے ڈکی بھائی کی ایک انسٹاگرام اسٹوری پر کہا کہ آپ بہت مزاحیہ ہیں جس پر ڈکی بھائی نے انہیں شکریہ لکھ کر جواب دیا۔

ڈکی بھائی کا جواب موصول ہونے پر اروبہ نے حیرت کا اظہار کیا۔