مارچ میں 2 ارب 80 کروڑ ڈالرکی ریکارڈ ترسیلات موصول ہوئیں اسٹیٹ بینک

(فائل : فوٹو)

---

ISLAMABAD: اسٹیٹ بینک آف پاکستان (ایس بی پی) نے کہا کہ ملک کو مارچ کے مہینے میں 2 ارب 80 کروڑ ڈالر کی ریکارڈ زیادہ ترسیلات زر موصول ہوئیں جو گزشتہ ماہ کے مقابلے میں 28.3 فیصد زیادہ اور گزشتہ برس کے اسی مہینے کے مقابلے میں 3.2 فیصد زیادہ ہے۔

مرکزی بینک نے کہا کہ 22 مارچ میں ورکرز کی ترسیلات زر تاریخ کی بلند ترین سطح 2 ارب 80 کروڑ ڈالر تک پہنچ گئیں۔ مجموعی طور پر مالی سال 22 کے پہلے 9 مہینوں کے دوران ترسیلات زر بڑھ کر 23 ارب تک پہنچ گئی۔

Workers’ remittances rose to their highest level in history at $2.8 billion in March 22. Cumulatively, remittances have risen to $23 billion during the first 9 months of FY22, up 7.1% over the same period last year. https://t.co/7XBd4uNES4 pic.twitter.com/2Aw7WjtwKA

— SBP (@StateBank_Pak) April 14, 2022

ایس بی پی کے مطابق مجموعی طور پر 23 ارب پر گزشتہ سال کے مقابلے مالی سال 22 کی پہلی تین سہ ماہیوں کے دوران ترسیلات زر میں 7.1 فیصد اضافہ ہوا۔

اسٹیٹ بینک کے اعداد و شمار کے مطابق پورے عرب خطے سے ترسیلات زر میں نمایاں اضافہ ریکارڈ کیا گیا ہے۔ ایس بی پی نے مزید کہا کہ مارچ 2022 کے دوران ترسیلات زر کی آمد بالترتیب سعودی عرب، متحدہ عرب امارات، برطانیہ اور امریکا سے ہوئی۔