کرکٹر شاداب خان نے رمضان المبارک میں عمرے کی سعادت حاصل کرلی

فیصل جاوید خان اور اظہر محمود نے شاداب خان کو عمرہ ادا کرنے پر مبارکباد دی

ویب ڈیسک April 15, 2022

فیصل جاوید خان اور اظہر محمود نے شاداب خان کو عمرہ ادا کرنے پر مبارکباد دی فوٹوٹوئٹر

پاکستانی آل راؤنڈر شاداب خان نے رمضان المبارک کے مقدس مہینے میں عمرے کی سعادت حاصل کرلی۔

شاداب خان نے عمرے کی سعادت حاصل کرنے کی خوشخبری ٹوئٹر پر مداحوں کے ساتھ شیئر کرتے ہوئے مکہ سے احرام میں ملبوس اپنی تصویر بھی شیئر کی۔

شاداب خان نے ٹوئٹر پیغام میں لکھا ''الحمداللہ، میں نے عمرے کی سعادت حاصل کرلی۔ اپنے ملک کے لیے، انسانیت کے لیے، امن کے لیے، خوشحالی کے لیے اور سب سے بڑھ کر سب کے لیے صحت کی دعا کی۔ اللہ آپ سب کو خوش رکھے''۔

Alhamdulillah, performed Umrah. Prayed for my country, for humanity, for peace, for prosperity and above all health for everyone. May Allah bless you all. pic.twitter.com/UbeNRtFS9J
— Shadab Khan (@76Shadabkhan) April 14, 2022

شاداب خان کی جانب سے یہ خبر شیئر کیے جانے کے بعد پی ٹی آئی کے رکن فیصل جاوید خان اور اظہر محمود سمیت متعدد شخصیات کی جانب سے انہیں مبارکباد دینے کا سلسلہ جاری ہے۔