گھرکے باہر احتجاج سے لگتا ہے 90ء کی دہائی کے لاہور پہنچ گئی جمائما

میرے بچوں کو نشانہ بنایا جارہا ہے اور سوشل میڈیا پر نسلی منافرت پر مبنی مہم چلائی جارہی ہے، جمائما

ویب ڈیسک April 15, 2022

مسلم لیگ (ن) نے اتوار کو جمائما کے گھر کے سامنے احتجاج کا اعلان کیا ہے (فوٹو: فائل)

کراچی: چئیرمین پی ٹی آئی عمران خان کی سابق اہلیہ جمائما گولڈ اسمتھ کا کہنا ہے کہ میرے گھر کے باہر احتجاج کے اعلان سے لگتا ہے 90ء کی دہائی کے لاہور میں پہنچ گئی ہوں۔

جمائما نے ٹویٹر پر 'پرانا پاکستان' کے ہیش ٹیگ کے ساتھ کیے گئے ٹویٹ میں کہا کہ میرے گھر کے باہر احتجاج کیا جارہا ہے، میرے بچوں کو نشانہ بنایا جارہا ہے اور سوشل میڈیا پر نسلی منافرت پر مبنی مہم چلائی جارہی ہے۔

Protests outside my house, targeting my children, antisemitic abuse on social media…. It’s almost like I’m back in 90s Lahore. #PuranaPakistan pic.twitter.com/0R2YOPcQrJ
— Jemima Goldsmith (@Jemima_Khan) April 15, 2022

جمائما کا مزید کہنا تھا کہ یہ سب دیکھ کر ایسا لگتا ہے کہ میں 90ء کی دہائی کے لاہور میں واپس پہنچ گئی ہوں۔

واضح رہے کہ پاکستان مسلم لیگ (ن) نے اتوار کو لندن میں جمائما کی رہائش گاہ کے باہر احتجاج کا اعلان کیا ہے۔