موبائل پر باتوں میں مگن لڑکی کو ٹرین نے روند دیا ویڈیو وائرل

معجزانہ طور پر زندہ بچ جانے والی لڑکی پر سے پوری ٹرین گزر گئی لیکن موبائل پر باتیں کرنا بند نہیں کیں

ویب ڈیسک April 15, 2022

خاتون موبائل پر بات کرتے ہوئے کپڑے جھاڑتے ہوئے کھڑی ہوگئیں، فوٹو: ویڈیو گریب

PARIS: بھارت میں موبائل پر باتوں میں مشغول لڑکی کو ٹرین نے روند دیا تاہم ٹرین گزرنے کے بعد خاتون زندہ کھڑا ہوگئیں لیکن اس خوفناک وقت میں بھی انھوں نے موبائل کان پر سے نہیں ہٹایا۔

بھارتی میڈیا کے مطابق سوشل میڈیا پر وائرل ہونے والی ایک ویڈیو میں دیکھا جا سکتا ہے کہ موبائل پر بات کرتے کرتے ایک لڑکی پٹڑی عبور کرنے کے دوران ٹرین کی زد میں آجاتی ہے۔

ٹرین لڑکی پر گزر جاتی ہے تو خوش قسمتی سے زندہ بچ جانے والی لڑکی کھڑی ہوتی ہے تاہم اس وقت بھی وہ موبائل پر بھی بات کر رہی ہوتی ہے۔

फ़ोन पर gossip, ज़्यादा ज़रूरी है 🤦🏻‍♂️ pic.twitter.com/H4ejmzyVak
— Dipanshu Kabra (@ipskabra) April 12, 2022

ریلوے حکام نے اس ویڈیو کو وائرل کیا اور تنبیہ کی کہ بے دھیانی میں پٹڑی عبور کرنا جان کے لیے خطرناک ہوسکتا ہے۔ خاص موبائل استعمال کرنے میں احتیاط کریں۔

صارفین نے تبصرہ کیا کہ بھلے جان چلی جائے لیکن موبائل پر بات کرتے رہنا ضروری ہے۔