رمضان عمرہ ایجنٹس نے 3 تا ساڑھے 5 لاکھ روپے مقرر کر دیے

مسجد نبویؐ،خانہ کعبہ میں اعتکاف کے خواہشمند بڑھنے سے اخراجات میں بڑا اضافہ

Bilal Ghori April 18, 2022

سعودیہ کی جانب سے ہر عمر اور محرم کے بغیر عمرہ کی اجازت کے بعد زائرین کا رش (فوٹو: خلیج ٹائمز)

رمضان مبارک کے آخری عشرہ میں عمرہ کرنے والوں کیلیے ٹریولز ایجنٹس 3 لاکھ سے ساڑھے5لاکھ روپے میں بکنگ کررہے ہیں۔

سعودی گورنمنٹ کی جانب سے ہر عمر اور محرم کے بغیر عمرہ کی اجازت ملنے کے بعد مسجد نبوی اور خانہ کعبہ میں اعتکاف اور رمضان کے آخری عشرہ کے ایام وہاں گزارنے والوں کی تعداد میں اضافہ کے باعث ٹریولز ایجنٹس نے اخراجات میں ہوش روبا اضافہ کردیا ہے۔

سعودی گورنمنٹ نے عمرہ زائرین کو رش سے بچانے کیلیے تین اوقات مقرر کئے ہیں مسجد الحرام میں داخلے کیلیے داخلی اور خارجی راستوں کی تنظیم نو بھی کی گئی ہے۔

سعودی گورنمنٹ کی جانب سے40 سال سے کم عمر پاکستانی زائرین کو فیملی کے بغیر اور45 سال سے کم عمر خواتین کیلیے محرم کی شرط بھی ختم ہونے کے بعد رمضان المبارک کے آخری ایام اور مسجد نبوی اور خانہ کعبہ میں اعتکاف کرنے والے زائرین نے ویزا لگوانے اور بکنگ کیلیے ٹریولز ایجنٹس نے رابطے شروع کردیے ہیں۔