چیتے نے کشتی سے دریا میں چھلانگ لگا دیویڈیو وائرل

چیتے کی ویڈیو نے ہالی وڈ فلم ‘ لائف آف پائی’ کی یاد دلا دی، سوشل میڈیا صارفین

ویب ڈیسک April 18, 2022

چیتے کی ویڈیو کواب تک ایک لاکھ سے زائد افراد دیکھ چکے ہیں:فوٹو:سوشل میڈیا

ایک چیتے کی کشتی سے دریا میں چھلانگ لگانے کی ویڈیو نے سوشل میڈیا پردھوم مچا دی۔

وائلڈ لائف حکام جب ایک چیتے کو بازیاب کروانے کے بعد سندر بن کے جنگل میں چھوڑنے کے لئے کشتی میں سوار ہوئے توانہیں پتا نہیں تھا کہ راستے میں کچھ بہت مختلف ہونے والا ہے۔

انٹرنیٹ پروائرل ہونے والی ویڈیو میں چیتے کو اچانک کشتی سے دریا میں چھلانگ مارتے دیکھا جاسکتا ہے۔ چیتے نے بغیر پیچھے دیکھے کسی ماہر تیراک کی طرح تیرکراپنا باقی سفرطے کیا اوراپنے اصل ٹھکانے یعنی جنگل میں پہنچ گیا۔

That tiger sized jump though. Old video of rescue & release of tiger from Sundarbans. pic.twitter.com/u6ls2NW7H3
— Parveen Kaswan, IFS (@ParveenKaswan) April 17, 2022

چیتے کی ویڈیو نے سوشل میڈیا صارفین کے دل جیت لئے۔ کچھ صارفین کا کہنا تھا چیتے کی وڈیو نے ہالی وڈ کی مشہورفلم 'لائف آف پائی' کی یاد دلا دی۔ ویڈیو کواب تک ایک لاکھ سے زائد افراد دیکھ چکے ہیں اورہزاروں لائک کرچکے ہیں۔