نوجوان کو زہر دے کر قتل کرنے کے الزام میں 2 خواتین گرفتار

کراچی:
نوجوان کو زہر دیکر قتل کرنے کے الزام میں 2 خواتین گرفتار کرلی گئیں۔

ایکسپریس نیوز کے مطابق لاہور کے علاقے گلشن راوی میں واقع ایک گھر سے لاش برآمد ہوئی ہے، پولیس نے لاش قبضے میں لے کر پوسٹ مارٹم رپورٹ کے لئے اسپتال کے مردہ خانے میں جمع کرادی۔


پولیس کو دیئے گئے بیان میں مقتول کے اہل خانہ نے الزام عائد کیا کہ 26 سالہ عبدالرحمان کو زہر دیکر قتل کیا گیا۔ ملزمان کے خلاف کاروائی کی جائے، اہل خانہ نے پولیس کو دو خواتین کی نشاندہی بھی کروائی۔

جس پر پولیس نے فوری کارروائی کرتے ہوئے دونوں خواتین کو حراست میں لے لیا اور مقدمہ درج کرکے مزید تحقیقات شروع کردی۔