سویڈن اور ہالینڈ میں اسلاموفوبیا کے واقعات پر بین الاقوامی برادری مذمت کرے وزیراعظم

دنیا بھر کے مسلمان حالیہ واقعات پر سخت رنجیدہ ہیں، وزیر اعظم (فائل فوٹو)

---

وزیراعظم شہبازشریف نے کہا ہے کہ پاکستان کے عوام اور دنیا بھر کے مسلمان سویڈن اور ہالینڈ میں اسلامو فوبیا کے حالیہ واقعات پر سخت رنجیدہ ہیں۔

اپنی ٹویٹ میں وزیراعظم شہباز شریف نے بین الاقوامی برادری پر زور دیا کہ وہ ان واقعات کی مذمت کرے اور اس طرح کے گھناؤنے رویوں کی روک تھام کے لیے اقدامات کرے۔

People of Pakistan and Muslims around the world are deeply hurt by the recent incidents of Islamophobia in Sweden & the Netherlands. The international community must condemn these incidents & take steps to check such abhorrent behaviour. We must stand united against Islamophobia.

— Shehbaz Sharif (@CMShehbaz) April 19, 2022

وزیراعظم نے کہا کہ ہمیں اسلامو فوبیا کے خلاف متحد ہونا ہوگا۔

واضح رہے کہ سوئیڈن میں قرآن پاک کی بے حرمتی کے بعد مختلف شہروں میں احتجاج اور ہنگامے کیے جا رہے ہیں، مسلمان دشمن انتہا پسند تنظیم کی جانب سے قرآن پاک کے نسخے جلائے گئے ہیں۔