بالائی علاقوں میں مطلع ابرآلود اورسندھ میں موسم گرم رہنے کا امکان

بالائی سندھ میں آندھی اورگرد آلود ہوائیں چلنے کا امکان ہے، محکمہ موسمیات

ویب ڈیسک April 20, 2022

اسلام آباد میں تیزہواؤں اورگرج چمک کے ساتھ ہلکی بارش کا امکان ہے،محکمہ موسمیات:فوٹو:فائل

ملک کے بالائی علاقوں میں مطلع ابرآلود رہنے جبکہ سندھ کے بیشترعلاقوں میں موسم گرم اورخشک رہنے کا امکان ہے۔

محکمہ موسمیات کے مطابق ملک کے بیشتر بالائی علاقوں میں آج مطلع ابر آلود رہے گا۔شمالی بلوچستان ،اسلام آباد، بالائی وسطی پنجاب ،خیبر پختونخوا ، کشمیر اور گلگت بلتستان میں تیز ہواؤں اور آندھی اور گرج چمک کے ساتھ بارش کا امکان ہے۔بالائی سندھ میں آندھی اورگرد آلود ہوائیں چلنے کی توقع ہے۔

اسلام آباد میں مطلع جزوی ابر آلود رہنے کے علاوہ آندھی اور تیز ہواؤں اور گرج چمک کے ساتھ ہلکی بارش کا امکان ہے۔

پنجاب کے بیشتر اضلاع میں مطلع جزوی ابرآلود رہے گا۔ مری، گلیات، خطۂ پوٹھوہار ، میانوالی، خوشاب، بھکر، سرگودھا، لیہ، ڈیرہ غازی خان، فیصل آباد، ٹوبہ ٹیک سنگھ، جھنگ، شیخوپورہ، لاہور، حافظ آباد، گوجرانوالہ، سیالکوٹ، نارووال اور گجرات میں گرج چمک کے ساتھ ہلکی بارش کا امکان ہے۔

محکمہ موسمیات کا مزید کہنا ہے کہ بلوچستان کے بیشتر اضلاع میں مطلع جزوی ابر آلود رہنے کے ساتھ چاغی ، کوئٹہ ،نوشکی، پشین، قلات، خضدار ، زیارت، سبی، بارکھان اور ژوب میں تیز ہواؤں اور گرج چمک کے ساتھ بارش کا امکان ہے۔