حمزہ شہباز کو ووٹ دینے والے منحرف ارکان کے خلاف تحریک انصاف کا بڑا ایکشن

حمزہ شہباز کو ووٹ ڈالنے والوں کے خلاف آرٹیکل 63 اے کے تحت کارروائی عمل میں لائی جائے، ریفرنس الیکشن کمیشن کو موصول

ویب ڈیسک April 20, 2022

حمزہ شہباز کو ووٹ ڈالنے والوں کے خلاف آرٹیکل 63 اے کے تحت کارروائی عمل میں لائی جائے، ریفرنس الیکشن کمیشن کو موصول (فوٹو، فائل)

DIR LOWER: پی ٹی ائی کے منحرف ارکان کے خلاف موصول شدہ ریفرنس سپیکر چوہدری پرویزالہی نے الیکشن کمیشن کو بھجوادیئے۔

ایکسپریس نیوز کے مطابق مسلم لیگ (ن) کے رہنما حمزہ شہباز کو وزارت اعلی کا ووٹ دینے پر تحریک انصاف اپنے منحرف ارکان کے خلاف بڑا ایکشن لے لیا ہے، پی ٹی ائی نے اپنے منحرف ارکان کے خلاف ریفرنس اسپیکر چوہدری پرویزالہی کو بھیجا تھا اور پرویز الہیٰ نے موصول شدہ ریفرنس الیکشن کمیشن کو بھجوادیئے ہیں۔

تحریک انصاف کے 26منحرف ارکان کے خلاف ریفرنس آج سپیکر کے نمائندے نے الیکشن کمیشن میں جمع کرادیئے، اور الیکشن کمیشن کو موصول ہوچکے ہیں، 26 منحرف ارکان کے خلاف ریفرنس آرٹیکل 63 اے کے تحت الیکشن کمیشن کو جمع کرائے گئے ہیں، جن میں مؤقف پیش کیا گیا ہے کہ منحرف ارکان نے وزیراعلی کے انتخاب میں حمزہ شہباز کو ووٹ دیکر 63 اے کی خلاف ورزی کی ہے، ان کے خلاف آرٹیکل 63 اے کے تحت کارروائی عمل میں لائی جائے۔

الیکشن کمیشن میں جن ارکان کے خلاف ریفرنس جمع کرائے گئے ہیں ان میں راجہ صغیر، ملک غلام رسول سنگھا، سعید اکبر نوانی، محمد ا جمل، فیصل حیات جبوانہ ، مہر محمد اسلم، خالد محمود، عبد العلیم خان، اعجاز مسیح گل، سبطین رضا، جاوید اختر، محسن عطا کھوسہ شامل ہیں۔

ارکان کو لیٹر جاری کرکے پابند کیا تھا کہ وہ وزیراعلی کے الیکشن میں پرویز الہی کوووٹ دیں، لیکن ان 26 ارکان نے پارٹی پالیسی کے خلاف حمزہ شہباز کو وزارت اعلی کا ووٹ دیا۔