متحدہ کے مطالبے پر سندھ بھر میں 9 برس کے دوران دی گئی سرکاری بھرتیوں کی تفصیلات طلب

(فوٹو :؛ فائل)

---

وزیراعلیٰ سندھ نے ایم کیو ایم کے مطالبے بھر سندھ بھر میں 9 برس کے دوران کی گئی سرکاری بھرتیوں کی تفصیلات طلب کرلیں۔

ایکسپریس نیوز کے مطابق پیپلز پارٹی اور ایم کیو ایم کے مابین ہونے والے معاہدے پر عمل درآمد شروع کردیا گیا، وزیراعلی سندھ مراد علی شاہ نے ایم کیو ایم کے مطالبے پر گزشتہ 9 برس کے دوران سندھ بھر میں دی گئی نوکریوں کی تفصیلات طلب کرلی ہیں۔



مراد علی شاہ نے احکامات دیتے ہوئے کہا ہے کہ شہری اور دیہی ڈومیسائل پر کتنی ملازمتیں دی گئی ہیں تمام تفصیلات طلب دی جائیں۔ وزیراعلی سندھ نے تمام محکموں کو مراسلہ جاری کردیا ہے ساتھ ہی بعد وزیراعلی سیکریٹریٹ نے تمام محکموں کو پروفارما بھیج دیا ہے جس میں نام، عہدہ اور ڈومیسائل کی تفصیلات مانگی گئی ہیں۔