مائیک ٹائسن کی جہاز میں مسافر سے لڑائی مکوں کی برسات کردی

عالمی شہرت یافتہ سابق امریکی باکسر مائیک ٹائسن نے دوران پرواز مسافر پر تشدد کی ویڈیو وائرل ہوگئی۔

غیر ملکی میڈیا کے مطابق سابق باکسر مائیک ٹائسن اور مسافر کے درمیان جھگڑے کا واقعہ امریکی شہر سان فرانسسکو سے فلوریڈا جانے والی جیٹ بلیو کی پرواز ک دوران پیش آیا۔

سابق باکسر کے ترجمان کا کہنا ہے کہ مسافر کی جانب سے پرواز کے آغاز سے مسلسل ٹائسن کو ہراساں کیا جارہا تھا جس پر سابق باکسر نے کافی صبر تحمل کا مظاہرہ کیا لیکن مسافر نہ ماننا مائیک ٹائسن کی جانب پانی کی بوتل پھینکی۔

ترجمان نے بتایا کہ پانی کی بوتل لگنے پر مائیک ٹائسن آپے سے باہر ہوگئے اور مسافر پر مُکّوں کی برسات کردی۔

مائیکروبلاگنگ ویب سائٹ ٹوئٹر پر شیئر ہونے والی ویڈیو میں دیکھا جاسکتا ہے کہ مائیک ٹائسن مسافر کو مُکے مار رہے ہیں جب کہ ایک اور مسافر سابق امریکی باکسر کو روکنے کی کوشش کررہا ہے۔

واضح رہے کہ سابق امریکی باکسر مائیک ٹائسن باکسنگ کے رنگ اور رنگ کے باہر متشدد ہونے کے حوالے سے خاصے مشہور ہیں۔

سنہ 1992 میں جنسی زیادتی کا مجرم قرار دیکر تین سال قید کی سزا سنائی گئی تھی جب کہ 1997 میں انہیں اپنے رقیب کا کان کاٹنے پر باکسنگ میچ سے ڈس کولیفائی کردیا گیا تھا۔