چوروں کا ’اے ٹی ایم‘ لوٹنے کا انوکھا طریقہ

ملزمان بینک کا اے ٹی ایم لوٹنے کی انوکھی کوشش میں بھی ناکام رہے جس پر انہیں فرار ہونا پڑا، پولیس

ویب ڈیسک April 22, 2022

پولیس نے واقعے کی تحقیقات کا آغاز کردیا (فوٹو، فائل)

ISLAMABAD: بھارتی ریاست مہاراشٹرا میں چوروں نے بینک 'اے ٹی ایم' لوٹنے کا نیا طریقہ ڈھونڈ نکالا ہے تاہم انہیں واردات کے دوران ناکامی کا سامنا کرنا پڑا۔

غیرملکی خبر رساں ادارے کی رپورٹ کے مطابق مہاراشٹرا کے پونے شہر میں ملزمان نے بینک کے 'اے ٹی ایم' کو دھماکے سے اڑا کر رقم چرانے کی کوشش کی لیکن وہ اپنی اس کوشش میں ناکام رہے اور خالی ہاتھ لوٹ گئے۔

پولیس نے بتایا کہ چوروں نے سوچا تھا کہ اے ٹی ایم کو دھماکے سے اڑانے سے اس میں موجود 'کیش باکس' پھٹ کر سامنے آجائے گا لیکن اے ٹی ایم مشین مضبوط ہونے کی وجہ سے ایسا نہیں ہوا۔

مقامی پولیس کا کہنا ہے کہ ملزمان نے اے ٹی ایم کو اڑانے کے لیے دھماکا خیز مواد استعمال کیا جبکہ چوروں کے خلاف مقدمہ درج کرلیا گیا ہے اور ان کی گرفتاری کے لیے چھاپے بھی مارے جارہے ہیں، ممکنہ طور پر ملزمان جلد قانون کی گرفت میں ہوں گے۔