عالیہ بھٹ کی شادی میں بلی کی بھی شرکت اداکارہ نے تصویر شیئر کردی

اداکارہ نے اپنی شادی کی نئی تصاویر بھی شیئر کی ہیں جس پر ساس اور نند کی جانب سے تعریف کی گئی

ویب ڈیسک April 23, 2022

عالیہ کی نئی تصاویر بھی مداحوں کو بھا گئیں (فوٹو، انٹرنیٹ)

ISLAMABAD: بالی ووڈ کی سپر اسٹار عالیہ بھٹ کی شادی میں لاڈلی بلی نے بھی شرکت کی جس کی تصویر اداکارہ نے شیئر کردی۔

میڈیا رپورٹ کے مطابق عالیہ بھٹ اور رنبیر کپور رواں ماہ 14 تاریخ کو رشتہ ازدواج میں منسلک ہوئے، اداکارہ شادی کی چند تصاویر پہلے شیئر کرچکی ہیں اور اب انہوں نے مزید تصاویر بھی سوشل میڈیا پر پوسٹ کی ہیں۔

رپورٹ میں بتایا گیا کہ ایک تصویر میں عالیہ بھٹ کے ہمراہ ایک بلی بھی دیکھی جاسکتی ہے۔ نئی تصاویر شیئر کرنے پر اداکارہ کی ساس نیتو کپور اور نند ردھما نے بھی تعریف کی۔

عالیہ کی ساس نیتو نے تصاویر کے کومنٹ باکس پر دل کا ایموجی شیئر کرکے اپنے پیار کا اظہار کیا جبکہ نند ردھما نے لکھا 'میرے لیے ایک خوبصورت لڑکی'۔ دلکش تصاویر دیکھ کر مداحوں کی جانب سے بھی تعریفوں کا سلسلہ جاری ہے۔

خیال رہے کہ شادی کے بعد عالیہ پھر سے فلم سیٹ پر آچکے ہیں، ان کی نئی فلم 'روکی اور رانی کی پریم کہانی' کا پرستاروں کو بے صبری سے انتظار ہے جس میں رنویر سنگھ بھی اداکاری کے جوہر دکھائیں گے۔