ڈیرہ مراد جمالی میں نامعلوم افراد کی فائرنگ سے 2 افراد جاں بحق
فائرنگ کے واقعے میں دو افراد بھی زخمی ہوئے، پولیس
بلوچستان کے علاقے ڈیرہ مراد جمالی میں نامعلوم افراد کی فائرنگ سے دو افراد جاں بحق ہوگئے۔
ایکسپریس نیوز کے مطابق کوئٹہ کے علاقے ڈیرہ مراد جمالی کے مرکزی بازاروں میں نامعلوم افراد نے اندھا دھند فائرنگ کی، جس میں دو افراد موقع پر ہی جاں بحق ہوئے جبکہ 2 زخمی ہوئے۔
پولیس کے مطابق فائرنگ کے بعد ریسکیو رضاکاروں نے مرنے والوں اور زخمیوں کو ایمبولینس کے ذریعے قریبی اسپتال منتقل کیا۔ پولیس نے جائے وقوعہ سے شواہد اکھٹے کر کے تفتیش شروع کردی ہے اور اس واقعے کو خاندانی دشمنی کا شاخسانہ قرار دیا ہے۔
ذرائع کے مطابق فائرنگ کا نشانہ بننے والے افراد میں سے دو آپس میں رشتے دار جبکہ بقیہ آپس میں دوست تھے۔