برطانیہ چاقو بردار شخص کے حملے میں 4 افراد ہلاک

پولیس نے چاقو بردار شخص کو حراست میں لے لیا، فوٹو: فائل

---

برطانیہ میں چاقو بردار شخص نے ایک گھر میں داخل ہوکر مکینوں پر حملہ کردیا جس کے نتیجے میں 3 خواتین سمیت 4 افراد ہلاک ہوگئے۔

برطانوی میڈیا کے مطابق لندن کے علاقے برمنسی میں ایک گھر میں چار افراد کی لاشیں ملی ہیں جنھیں چاقو کے گہرے وار کرکے قتل کیا گیا ہے۔ پولیس نے سی سی ٹی وی فوٹیجز کی مدد سے ملزم کو گرفتار کرلیا۔

ہلاک ہونے والوں میں 3 خواتین اور ایک مرد شامل ہے۔ مقتولین اور قاتل ایک دوسرے کے واقف کار تھے اس لیے قاتل بآسانی گھر میں داخل ہوگیا تاہم قتل کے محرکات کا تاحال پتہ نہیں چل سکا۔

برطانیہ میں چاقو کے حملوں میں اضافہ ہوا ہے۔ گزشہ برس فروری میں جنوبی لندن میں چاقو سے حملے کے 5 واقعات رونما ہوئے تھے جس پر میئر صادق خان نے تشویش کا اظہار کرتے ہوئے چند اہم فیصلے بھی کیے تھے۔